Как пред началом всякого молитвословия, прежде всего полагаются три поклона с покаянными молитвами:

ПЕРЕД ЗАВТРАКОМ

Боже, очисти мя грешнаго. (Поклон.)
Создавый мя, Господи, помилуй мя. (Поклон.)
Без числа согреших, Господи, помилуй и прости мя, грешнаго. (Поклон.)
Посем молитва перед трапезой
Очи всех на Тя, Господи, уповают, и Ты даеши им пищу во благовремении, отверзаеши Ты щедрую руку Твою и исполняеши всякое животно благоволения.
Слава: (Поклон.) И ныне: (Поклон.) Господи, помилуй. (Трижды.) (Поклон.) Благослови.

Иерей: Христе Боже, благослови ястие и питие рабом Твоим, яко Свят еси, всегда, ныне и присно, и во веки веков.

[Если трапезуют только миряне, то сам читающий молитву, обычно старейший, не благословляя трапезы, произносит:

Молитвами святых отец наших, Господи Иисусе Христе Сыне Божий, благослови ястие и питие рабом Твоим, яко Свят еси, всегда, ныне и присно, и во веки веков.]

И мы: Аминь.



ПОСЛЕ ЗАВТРАКА

Благодарим Тя, Христе Боже наш, яко насытил еси нас земных Твоих благ, не лиши нас и Небеснаго Твоего Царствия, но яко посреде учеников Твоих пришел еси, Спасе, мир даяй им, прииди к нам, и спаси нас.

Слава: (Поклон.) И ныне: (Поклон.) Господи, помилуй. (Трижды.) (Поклон.) Благослови.

Иерей: С нами Бог Своею благодатию и человеколюбием, всегда, ныне и присно, и во веки веков.

Мы: Аминь.

(В отсутствие иерея: Молитвами святых отец наших, Господи Иисусе Христе Боже наш, помилуй нас.)

И три заключительных поклона с молитвами:

Боже, очисти мя грешнаго. (Поклон.)

Создавый мя, Господи, помилуй мя. (Поклон.)

Без числа согреших, Господи, помилуй и прости мя грешнаго. (Поклон.)