http://theprayerbook.info/ ru Николаю Чудотворцу - The prayer book - Молитвенник DataLife Engine http://theprayerbook.info/443-tropari-svjatitelju-nikolaju.html http://theprayerbook.info/443-tropari-svjatitelju-nikolaju.html Тропарь, глас 4

Правило веры и образ кротости, воздержания учителя яви тя стаду твоему яже вещей истина: сего ради стяжал еси смирением высокая, нищетою богатая. Отче священноначальниче Николае, моли Христа Бога спастися душам нашым.


Кондак, глас 3

В Мирех, святе, священнодействитель показался еси: Христово бо, преподобне, Евангелие исполнив, положил еси душу твою о людех твоих, и спасл еси неповинныя от смерти; сего ради освятился еси, яко великий таинник Божия благодати.]]> pray Thu, 20 Nov 2008 18:00:00 +0200 http://theprayerbook.info/442-kanon-svjatitelju-nikolaju-arkhiepiskopu.html http://theprayerbook.info/442-kanon-svjatitelju-nikolaju-arkhiepiskopu.html Канон святителю Николаю, глас 2-й.
Песнь 1
Ирмос: Во глубине постла иногда фараонистское всевоинство преоруженная сила, воплощшееся же Слово всезлобный грех потребило есть: Препрославленный Господь, славно бо прославися.

Припев:Святителю отче Николае, моли Бога о нас.

Венценосец престолу Христову, премудре Николае, предстоя со Ангельскими воинствы, просвещение ми даруй, озаряющее души моея омрачение, яко да восхвалю радуяся твою всеблаженне память.

Слава, И ныне: Сравнитися желание ми вложив змий вселукавый, Содетелю, яко пленника восхити, Тобою же Всечистая, воззван бых, обожився истиннейше: Ты бо, о Богомати, мене Обожившаго родила еси.

Песнь 3
Ирмос: Процвела есть пустыня яко крин, Господи, языческая неплодящая церковь, пришествием Твоим, в нейже утвердися мое сердце.]]> pray Thu, 20 Nov 2008 09:00:00 +0200 http://theprayerbook.info/441-akafist-svjatitelju-nikolaju.html http://theprayerbook.info/441-akafist-svjatitelju-nikolaju.html Кондак 1

Возбранный Чудотворче и изрядный угодниче Христов, миру всему источаяй многоценное милости миро, и неисчерпаемое чудес море, восхваляю тя любовию, Святителю Николае: ты же яко имеяй дерзновение ко Господу, от всяких мя бед свободи, да зову ти: Радуйся, Николае, великий Чудотворче.


Икос 1

Ангела образом, земнаго суща естеством яви тебе всея твари Создатель; благоплодную бо доброту души твоея провидев, преблаженне Николае, научи всех вопити тебе сице: Радуйся, от утробы матерния очищенный; радуйся, даже до конца освященный. Радуйся, рождением своим родителей удививый; радуйся, силу душевную абие по рождестве явивый. Радуйся, саде земли обетования; радуйся, цвете Божественнаго саждения. Радуйся, лозо добродетельная винограда Христова; радуйся, древо чудоточное рая Иисусова. Радуйся, крине райскаго прозябения; радуйся, миро Христова благоухания. Радуйся, яко тобою отгонится рыдание; радуйся, яко тобою приносится радование. Радуйся, Николае, великий Чудотворче.]]> pray Wed, 19 Nov 2008 21:24:22 +0200