молитвенник, сборник молитв, молитвы на каждый день, молитвы против недугов, это должен знать каждый, православная литература, архив mp3, редкие молитвы, православные посты, просьбы о помощи, vjkbndtyybr, ghfdjckfdbt, православие

О́тче на́ш (также моли́тва Госпо́дня) — главная молитва в христианстве, предложенная самим Иисусом Христом и приведённая в Библии.

Отче наш, Иже еси на небесех!
Да святится имя Твое,
Да приидет Царствие Твое,
Да будет воля Твоя, яко на небеси и на земли.
Хлеб наш насущный даждь нам днесь;
И остави нам долги наша, яко же и мы оставляем должником нашим;
И не введи нас во искушение, но избави нас от лукавого.
Яко Твое есть Царство и сила и слава во веки. Аминь.
Иисусова молитва
 

 

Господи Иисусе Христе, Сыне Божий, помилуй мя, грешнаго.

Кратко:

Господи помилуй мя.

Молитва о мире в Украине
 
Читаем вместе в 21:00
 
Владыко Вседержителю, Святый Царю. Призри с небесе и виждь, како враждуют людие земли нашея и замышляют друг на друга суетное и злобное. О, Многомилостиве! Прости грехи и беззакония наша, ихже ради многия скорби, беды и устрашения приидоша на ны. Благодатию Пресвятаго Духа ороси любовию изсохшия сердца людския, тернием самолюбия, ненависти, зависти, злобы, вражды, лукавства и иных беззаконий поросшия, да возрастят горящую к Тебе и братиям своим любовь, и ею да будут истреблены вси распри, раздоры, разделения во Отечестве нашем. Усердно молим Тя: мир державе нашей даруй, Церкви Твоей и всем людем земли нашея. Ты бо еси Царь мира и мира Твоего несть предела и Тебе слава и благодарение и поклонение от всех да возсылается, ныне и присно и во веки веков.
Аминь.
 
По Благословению Митрополита Киевского и всея Украины Владимира.
 
Верую во единого Бога Отца, Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы, и вочеловечшася. Распятаго же за ны при Понтийстем Пилате, и страдавша и погребенна. И воскресшаго в третий день по Писанием. И восшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

В продовженні текст українською мовою молитви "Символ віри"

Архангел Гавриил



Канон Святому Архангелу Гавриилу



Глас 4-й

Песнь 1

 

Ирмос: Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Припев: Святый Архистратиже Гаврииле, моли Бога о нас.

Яко Света суща к Свету крайнейшему невещественными причащении, Божественнаго и невещественнаго, молю тя, Архангеле Господень: ум мой просвети молитвами твоими, яко да воспеваю тя.

Святый Архистратиже Гаврииле, моли Бога о нас.

Составим днесь лик Божественный, веселящеся, перваго почитающе безплотных умов, неизреченную радость возвестившаго, в мир пришедшую за благость.

Святый Архистратиже Гаврииле, моли Бога о нас.

Предстателя тя величайша, и к Богу заступника, и стену, и утверждение, Гаврииле, имуще, любящия тя, избавляемся от бед и вреда змиина, восхваляющия тя.

Богородичен: Чисту Тя, Всенепорочную, Гавриил яко узре,  радуйся! Тебе, Владычице, светло возопи, браконеискусная, человеков спасение, ангелов похвала и честнословие.



Песнь 3

 

Ирмос: Твоя песнословцы, Богородице, живый и независтный Источниче, лик себе совокупльшия, духовно утверди, в Божественней Твоей славе венцев славы сподоби.

Святый Архистратиже Гаврииле, моли Бога о нас.

Причастием Света невещественнейшаго, яко невеществен воистинну, Гаврииле, невещественно просвещаемь, Свет виден был еси вторый, вещественныя всегда человеки просвещая, поющия тя.

Святый Архистратиже Гаврииле, моли Бога о нас.

Величайшаго благославия сподобился еси, великое таинство нам открыв, величайше Ангелов, имже взяти быхом от земли к величайшей высоте вельми чтущия тя.

Святый Архистратиже Гаврииле, моли Бога о нас.

Явися всем с Небесе, любовию ищущим тя присно, и устави бурю на ны движимую напастей же и скорбей, о, Гаврииле Архистратиже!

Богородичен: Сказуя еже древле сокровенное таинство, Отроковице, Тебе иногда Гавриил взываше: радуйся, Божия палато, в нюже вселився, вся человеки обожи, яко Благоутробен.

Архангел Гавриил



Акафист Архангелу Гавриилу



Кондак 1

 

Избраннаго Архангела, присно предстоятеля престолу Вседержителя, таинника благодати, и радости благовестника, всечестнаго Гавриила, Пречистыя Девы невестокрасителя, пением похвальным благочестно почтим, со благодарением ему зовуще:

Радуйся, Архангеле Гаврииле, вечнаго спасения нашего благовестниче.



Икос 1

 

Ангел безплотный естеством бысть, славы присносущныя и вечныя Премудрости в создании мира зритель явился еси, Архангеле. Сего ради тебе вопием:

Радуйся, именем твоим силу Божию возвещаяй; радуйся, дивное красотою твоею неизреченную славу Божию являяй.

Радуйся, душе невещественный, свободный от уз телесного естества; радуйся, светлый уме, подобие невидимаго Божества.

Радуйся, божественнаго разума вместилище; радуйся, неизреченных тайн сокровище.

Радуйся, первосияннаго света чистейший луче; радуйся, пламенем Божественныя любви горящая свеща.

Радуйся, престола Божия предстателю; радуйся, славы Господней созерцателю.

Радуйся, нас земнородных утешение.

Радуйся, Архангеле Гаврииле, вечнаго спасения нашего благовестниче.



Кондак 2

 

Видяще тя, яко звезду лучезарную, благоукрашеннаго небесе разумнаго, созданнаго прежде видимого небесе и земли, Архангеле, да вопием с тобою Творцу Богу: Аллилуиа.

Акафист святому Ангелу Хранителю



Кондак 1

 

Избранный от Господа Бога на хранение души моея и телесе, святый Ангеле, похвальная ти воспевати дерзаю, недостойный раб твой; ты же, яко имеяй дерзновение к Царю Небесному, от всяких мя бед и скорбей, от враг видимых же и невидимых защити, зовуща:

Радуйся, Ангеле Господень, неусыпаемый Хранителю мой.



Икос 1

 

Ангеле святый, посланный с Небесе, во еже хранити мя и руководити во всей жизни моей, припадая молю ти ся: сам настави и вразуми мя, начинающа от сердечныя любве и усердия возглашати песненныя ти хвалы:

Радуйся, Ангеле Божий, предстателю мой у Пресвятыя Троицы; радуйся, Царя царствующих безплотный воине. Радуйся, Господа господствующих небесный слуго; радуйся, умных и невещественных слуг Его сожителю. Радуйся, творяй присно волю Владыки своего; радуйся, приемый от Бога повеление и власть хранити душу мою. Радуйся, никогдаже отлучаяйся мене, грешнаго; радуйся, выну спребываяй ми, недостойному. Радуйся, соблюдаяй мя на всех путех моих; радуйся, сохраняяй мя от всякаго зла. Радуйся, от Бога данный ми руководителю на путех жития моего; радуйся, благий мой наставниче.

Радуйся, Ангеле Господень, неусыпаемый Хранителю мой.



Кондак 2

 

Видев человеколюбивый Господь, яко, по прегрешении праотца нашего Адама, вси человецы удобь преклонни суть ко греху, по Своей неизреченней милости послал есть во всю землю святых Ангелов и коемуждо от человек пристави хранителя. Исполняюще убо повеление Владыки своего, святии Ангели всегда готови суть помогати нам, богоугодно поющим: Аллилуия.



Икос 2

 

Разуму моему просвещение свыше исходатайствуй, святый Ангеле, да возмогу познати, что есть воля Божия, благая и угодная и совершенная, и сердце мое направи, еже со усердием творити ю; тебе же, хранителя моего, да не престану восхваляти сицевыми гласы:

Радуйся, воспламеняяй сердце мое любовию к Богу, Создателю моему; радуйся, возбуждаяй мя на всяк день же и час приносити Ему молитвы, прошения и благодарения. Радуйся, якоже стражем верным, страхом Господним душевный мой дом ограждаяй; радуйся, вся помышления моя к распятому за грехи мира Спасителю устремляяй. Радуйся, страдания Его и крестную смерть в память мою вперяяй; радуйся, воспоминанием Страстей Господних блюстися от грехов мя поучаяй. Радуйся, благодатнаго Свыше осенения Святаго Духа просити мя наставляяй; радуйся, яко на кроткия точию и смиренныя сердцем милостивне призирати Ему, Утешителю, уверяя мя. Радуйся, мыслию о вездесущии Божии всюду окружаяй мя; радуйся, всеведение Его умным очесем моим представляяй. Радуйся, милосердием Его к кающимся грешником сердце мое утешаяй; радуйся, правосудием Его к ожесточенным и нераскаянным душу мою устрашаяй.

Радуйся, Ангеле Господень, неусыпаемый Хранителю мой.

Канон Бесплотным Силам

(читается в понедельник)

 

Тропарь, гл. 4-й

Небесных воинств Архистратизи, молим вас присно мы недостойнии, да вашими молитвами оградите нас кровом крил невещественныя вашея славы, сохраняюще нас припадающих прилежно и вопиющих: от бед избавите нас, яко чиноначальницы вышних сил.



Глас 8-й

Песнь 1

 

Ирмос: Песнь возслем, людие, чудному Богу нашему, свободившему Израиля от работы, песнь победную поюще и вопиюще: поим Тебе, Единому Владыце.

Припев: Святии Архангели и Ангели, молите Бога о нас.

Вси воспоим, людие, вся направляющую невещественныя лики вышняго чиноначалия, Троицу Несозданную, поюще: свят, свят, свят еси, Боже Вседержителю.

Святии Архангели и Ангели, молите Бога о нас.

Положил еси тварем начаток существо безплотное, Творче Ангелов, Пречистый Твой Престол окружающа, звати Ти: свят, свят, свят еси, Боже Вседержителю.

Святии Архангели и Ангели, молите Бога о нас.

Радуйся, Гаврииле, Божия воплощения возвестителю, Михаиле же, чинов невещественных предстателю, непрестанно зовуще: свят, свят, свят еси, Боже Вседержителю.

Припев: Пресвятая Богородице, спаси нас.

Трепещу таинства, Христе, Твоего схождения, яко иже естеством Бог, приял еси от Девы родитися яко человек, да спасеши мир от работы сопротивнаго.



Песнь 3

 

Ирмос: Страх Твой, Господи, всади в сердца раб Твоих, и буди нам утверждение, Тя во истине призывающим.

Святии Архангели и Ангели, молите Бога о нас.

Крепостию уставил еси, безсмертне, сильныя, совершающия Пресвятое Твое хотение, Тебе в вышних всегда предстоящия.

Святии Архангели и Ангели, молите Бога о нас.

Ходатаи Твоего вочеловечения и честнаго востания, ангельския чиноначальники, Христе, за ны приими молящияся.

Святии Архангели и Ангели, молите Бога о нас.

Ангелы приставил еси хранители человеком, яко благоутробен, служители же показал еси, Христе, спасения Твоим угодником.

Пресвятая Богородице, спаси нас.

Неизречено рождши, Богоневесто, Спаса и Господа, избави нас от тли, Тя воистинну призывающих.

Василий, митрополит Острожский, чудотворец



Кондак 1
Богоносный архиерею Церкве Сербския, святый чудотворче отче Василие, от грешных и недостойных душ наших похвальную песнь тебе приносяще, и каясь во гресех наших, молим тя: пребуди и дале, яко бых прежде, хранителю милосердый земли нашея, и спаси нас от всякия беды и напасти да величаем тя во веки: Радуйся, святый Василие, похвало рода нашего!

Икос 1
Ангел во плоти между людьми явися, Василие чудотворче. Чудесною силою Духа Святаго связал еси вся искушения. Сего ради поем ти таковая: Радуйся, отче отцов преподобных, многия вере праввыя научивый! Радуйся, неустанный служителю Евангелия, поучением и делы своя от зла нас спасавый! Радуйся, Православия хранителю и учителю! Радуйся, в скорбех века сего утешителю! Радуйся, всякой болезни целителю! Радуйся, пастырю овцы заблудшия и усердный их к Богу возвратителю! Радуйся, душ алчущих питатателю! Радуйся, умов помраченных просветителю! Радуйся, святый Василие, похвало рода нашего!

Кондак 2
Видих Господь великое благочестие твое от юности твоея и люболь чисту к Церкви. Сего ради украси тя лепотою духовною и дар чудотворения ти дарова, да можеши исцеляти и спасати души человеческия от вския недуги душевныя же и телесныя. Яко свечу негасимую посвяти тя Христос на служение архиерейское в дни тяжкие рода Сербскаго, да сохраниши и ныне всякаго страждущаго и кающагося и с тобою вопиющаго Богу: Аллилуиа!

Икос 2
Разум человеческий познаша, отче богомудре, яко во тьму сомнений и неведения погружен, одарен же пребогато Духом Святым, всякаго подвигом своим вере Православной научиши. Сего ради восхваляем тя, отче преблаженне: Радуйся, богомудре, яко неразумныя умулрил еси! Радуйся, наставниче, яко сущих во тьме неверия просветил еси! Радуйся, трубе богогласная, радость велию являюще! Радуйся, ликование исцеленным дарующе! Радуйся, на Небе и на земли прославленный! Радуйся, святый Василие, похвало рода нашего!

Три святителя Василий Великий, Григорий Богослов и Иоанн Златоуст



Кондак 1
Избраннии светильницы Церкве Христовы, Василие, Григорие и Иоанне, ученьми вашими мир просветившии и вся шатания ересей и хульных смущения угасившии; яко ходатаи спасения нашего суще, молитвами вашими сохраните ны от всяких бед и вечных мук, да с радостию благодаряще вопием вам:
Радуйтеся, трие святителие, велицыи и вселенстии учителие.


Икос 1
Ангели земнии и человецы Небеснии, святителие Христовы и отцы треблаженнии, поборницы Живоначальныя Троицы, от Нея светом трисолнечным осияваемии и молящиися непрестанно у Престола Триипостаснаго Божества о душах наших, услышите ны от сердца к вам взывающия:
Радуйтеся, имущии дерзновение вопити о нас ко Господу;
Радуйтеся, велицыи угодницы Святыя Троицы.
Радуйтеся, дарованьми единочестнии;
Радуйтеся, апостолом единонравнии.
Радуйтеся, яко вашими ученьми дивно просия благодать Христова;
Радуйтеся, разум свой в послушание веры пленившии.
Радуйтеся, блазии делателие винограда Христова;
Радуйтеся, от юности Богом благословеннии.
Радуйтеся, скорби жития сего добре претерпевшии и данный вам талант приумножившии;
Радуйтеся, волю Божию сильным мира сего со многим дерзновением благовестившии.
Радуйтеся, тьму нечестия отгнавшии;
Радуйтеся, всю подсолнечную зарями догматов просветившии.
Радуйтеся, трие святителие, велицыи и вселенстии учителие.

Кондак 2
Видя еретичествующих лютая стремления, мечь острейший противу сетей лжеучений и огнь, плевелы суемудрия поядай, святый Василий явися и, яко пастырь изряднейший, обличив лесть идольскую своим богодухновенным вещанием, научи ны почитати Святую Троицу, разделену убо Ипостасьми, соединену же Существом, и вопити Ей: Аллилуиа.

Икос 2
Разум озарен благодатию Христовою имуще, яко апостолом единонравнии, православных догматов учения уяснисте и трие велицыи светильницы Триипостаснаго Божества явистеся; вашими бо вдохновенными писаньми озаряема, Церковь Христова светло красуется, и верная чада ея в меру возраста исполнения Христова восходят. Темже взирающе на богатство благодати Христовы, вам дарованныя, яко просветители наша восхваляем вы, вопиюще таковая:
Радуйтеся, богоноснии небеснии таинницы;
Радуйтеся, покаяния немолчнии проповедницы.
Радуйтеся, сосуди избраннии;
Радуйтеся, премудрии учителие вселенныя.
Радуйтеся, в Божественных учениих Христовых люди наставившии;
Радуйтеся, в повелениих Гоосподних всегда усердно ходившии.
Радуйтеся, многоразличных добродетелей обряды в вашем житии явившии;
Радуйтеся, столпи непоколебимии, веру Христову Божественными догматы утвердившии.
Радуйтеся, словесное стадо Христово мудре упасшии;
Радуйтеся, Православия изряднейшии богослови.
Радуйтеся, светила, вся концы земли просвещающая;
Радуйтеся, свирель и цевнице сладкозвучная.
Радуйтеся, трие святителие, велицыи и вселенстии учителие.

Василий Великий

 

Память - 1 (14) января и 30 января (12 февраля)

 

Кондак 1
Возбранный всего мира пресветлый светильниче и Христовой Церкви премудрейший учителю, монашеских уставов первейший списателю, Василие Великий, Троицы Всесвятыя теплый и верный служителю, молися о нас ко Господу, верно тя восхваляющих и с умилением тебе вопиющих:
Радуйся, Василие Великий, всемирный светильниче!

Икос 1
Ангелом Творец равно Ангельна показа тебя на земли святителю Василие, равноангельный нам путь к небеси ведущий показавши, законоположением монашеских уставов, им же на всяк день поучающеся и благодарение о сем Творцу всех Богу воздающе, со умилением тебе вопием сице:
Радуйся, Василие, Царствия тезоименитый;
Радуйся, Прото*1-Патриарх Монахов нарочитый;
Радуйся, чистоты и целомудрия предивный хранителю;
Радуйся, безмолвнаго жития истинный любителю
Радуйся, пастырю, иже словесныя пасти овцы власть от Самаго Бога приявый;
Радуйся, хищныя ересей волки от стада Его отгнавый;
Радуйся, свеще, мрачную кумирослужения тму прогоняющая;
Радуйся, светозрачная молние, весь мир весело просвещающая;
Радуйся, Евангельския Истины ревнительный научителю;
Радуйся, всезлобныя Ариевы лжи мужественный раззорителю;
Радуйся, спасеннаго пути верный и известный предводителю;
Радуйся, всех призывающих тя на защищение скорый защитителю;
Радуйся, Василие Великий, всемирный светильниче!

Кондак 2
Видяще тя правовернии Кессарийстии людие тепла [Пре]Святыя Троицы поборника, возведоша на святительский престол, аще не хотяща и по премногу возбраняющася на нем седящь, Божественная возгремел еси учения, и Трисолнечный нераздельный проповедал еси свет Божества; тем же твоими озарившеся Богодухновенными учении, Всесвятой покланяющеся Троице, умильно поем: Аллилуиа.

Икос 2
Разумом и языком огненным, Богоборных еретик злокозненная попалил еси шатания, верных же трисолнечным просветил еси светом в Триех бо Лицех Единаго Бога хвалити нас научил еси, Его же, бренными восхваляюще устнами вопием тебе:
Радуйся, цевнице и гусли Троичную песнь сладостно возглашающая;
Радуйся, златопорфирная хламидо Христову Церковь лепотно украшающая;
Радуйся, книго Богословскими учении преисполненная;
Радуйся, пучино Кафолических догмат неизмеримая;
Радуйся, фимиаме, огнем Святаго Духа возженный;
Радуйся, Христова благоухания исполневый весь круг Земный;
Радуйся, смрад идольских жертв силою Духа Божия разгнавый;
Радуйся, идолослужительныя люди ко истинному Богу призвавый;
Радуйся, глубины Кафолических правил искусный измерителю;
Радуйся, еретических баснословий премудр и худог*2 истребителю;
Радуйся, глубино, злочестиваго Ария с его единомысленники в бездне адской потопившая;
Радуйся, высото, трисолнечный свет благоразумно миру явившая;
Радуйся, Василие Великий, всемирный светильниче!

Мученик Иоанн Младенец

 

Мч. Иоанн младенец

(25 июля по новому стилю)

 

Повествование о мученике младенце Иоанне

 

Об упомянутых в «Послании» варягах «Повесть временных лет» сообщает под 983 г. В этом году князь Владимир, еще язычник, совершил удачный поход на племя ятвягов и по возвращении в Киев совершил благодарственное поклонение идолам. В Лаврентьевской летописи читаем: «Иде Володимер на явтяги, и победи явтяги, и взя землю их, и иде Киеву, и творяше потребу кумиром с людьми своими». При этом старейшины и бояре предложили выбрать отрока или девицу для принесения в жертву языческим божествам: «И реша старци и боляре: «Мечем жребии на отрока и девицю: на него же падет, того зарежем богам». Тем временем в Киеве, на месте будущего строительства князем Владимиром Десятинной церкви Пресвятой Богородицы, жил вместе с сыном некий варяг, переселившийся из Греции и исповедовавший христианскую веру: «Бяше варяг един, и бе двор его, идеже есть церкви Пресвятая Богородица, юже сдела Володимер. Бе жа варяг тот пришел из грек, держаше веру хрестианьску, и бе у него сын, красен лицем и душею». Именно на этого отрока и пал жребий. Когда язычники пришли к варягу, он обличил их веру и открыто исповедал христианство, прибавив: «Не дам своего сына бесам!» Тогда язычники привели к дому варяга вооруженную толпу, сломали ограду вокруг двора и вновь потребовали выдачи отрока. Стоя с сыном на сенях дома, варяг повторил отказ. О дальнейшем летопись говорит: «И посекоша сени под нима и тако побиша я. И не свесть никтоже где положиша я». В одном из житийных сборников XV в. под 12 (25) июля оба мученика, отец и сын, уже названы по именам: Феодор и Иоанн. «Канон» 1643 г. восклицает: «Иоанне славне, с нимже и отец спожреся, обая славяща Христа!» Карта Ближних пещер 1703 г. указывает в большой братской усыпальнице напротив подземной Введенской церкви мощи с именем «Иоанн», которые на плане 1769–1789 гг. уже имеют подпись «св. Иоанн отрок», а в 1795 г. отмечены как мощи «святого мученика Иоанна младенца». Митрополит Киевский Евгений (Болховитинов) сообщил о них (1832): «Иоанн, младенец, сын варяга, убиенного идольскими жрецами в 983 г. по Несторовой летописи, хотя в Несторово время и неизвестно еще было, где отец и сын были сокрыты». Пытаясь ответить на вопрос, как мощи св. Иоанна оказались в пещерах, Е. Голубинский предполагал, «что о месте их погребения было узнано по каким-нибудь откровениям». Рака с мощами св. Иоанна, которого вместе с его отцом зовут Первомучениками Руси, и ныне находится в той же усыпальнице.

управление размером текста

Α + Увеличить | α - Уменьшить

обратите внимание

ThePrayerBook.info - Молитвенник также (паралельно) доступен и по короткому адресу pb.pe

Админситарция сайта ищет соавторов для дальнейшего ведения сайта. Желающим обращаться через форму обратной связи

большинство читают

Святых первопрестольных Петра и ПавлаРождество Иоанна ПредтечиМолитва о прощении грехов своего родаМолитва о избавлении от искушений"Свидетели Иеговы" - кто они?Молитва человека, страдающего рассеянием, невниманием, нерадением в молитве«Православные колдуны» – кто они?Прошение о даровании молитвыРасписание православных выставок в Лавре на 2016 годМолитвы о детях и крестникахМолитвенное поклонение святым угодникам, почивающим в пещерах Киево-Печерской ЛаврыЩит духовныйЛиза ПоповаЗвернення Блаженнішого Митрополита Київського і всієї України Онуфрія з нагоди проведення Всеукраїнського Хресного ходуТропарь, кондак, величание небесным силамАкафист всем святым преподобным Киево-ПечерскимМученика Иоанна МладенцаАкафист Архангелу ГавриилуАкафист трем Святителям Василию Великому, Григорию Богослову и Иоанну ЗлатоустуАкафист Василию ВеликомуАкафист святителю Василию, митрополиту Острожскому, чудотворцуАкафист святому Ангелу ХранителюКанон Святому Архангелу ГавриилуКанон Бесплотным Силам

опрос

Сколько Вам лет ?

Все опросы